Anigoo ku hadlaya magaca Golaha GuddidaHogaaminta, shaqaalaha ururka, iyo dhammaan xubnaha ururka, waxaan idin leeyahay soo-dhawaad .

Website-kan waxaa loogu talagalay inuu noqdo il macluumaad oo dhammaystiran oo u adeegta xubnaheenna, bulshada u baahan kaalimadq sharci , iyo dadweynaha. Halkan waxaad ka heli doontaan macluumaad ku saabsan barnaamijyadayada, tababarrada joogtada ah ee qareennada (Continuing Legal Education), guddiyada ururka, munaasabadaha, iyo hawlaha u doodista, iyo sidoo kale warar ku saabsan arrimaha saameeya xirfadda sharciga iyo maamulka caddaaladda.

Anigoo ah Madaxweynaha ururka, sharaf weyn ayay ii tahay inaan u adeego dhamaan xubnaha ururka Qareenada Somaliland, isla markaana aan si wadajir ah ula shaqeeyo dhammaantiin si loo xoojiyo midnimada xirfadda, loo horumariyo ku dhaqanka sharciga, loona ballaadhiyo adeegga aan u fidinno bulshada. Waxaan ka nagz go’an inaan taageerno xubnaha ururka Qareenada marxalad kasta oo ay ku jiraan xirfaddooda, annagoo si wax ku ool ah uga qayb qaadanayna horumarinta sharciga iyo ilaalinta xuquuqaha aasaasiga ah.

Waxaan idinku martiqaadayaa inaad sahamisaan website-kan, ka qayb qaadataan hawlaheenna, isla markaana nala garab istaagtaan horumarinta qiyamka iyo sharafta xirfadda qareennimada leedahay

Waxaan aaminsanahay in mustaqbalku uu ku jiro gacmaha dadka wada shaqeeya ee isku hadaf ah. Waxaan diyaar u nahay inaan dhisno xiriiro waara oo midho dhal ah.

Ku soo dhawaada boggayaga, waxaanuna rajaynaynaa inaad ka heshaan macluumaadka aad u baahan tihiin.